入行十年！高海寧：我都係Enjoy做妹妹！

選美出身的藝人高海寧（高Ling），於2008年參選香港小姐後加入TVB， 不知不覺已入行十年，她笑稱時間過得實在太快：「我入行嘅時候係一舊飯！估唔到可以喺一間公司做到咁耐，係好難得，基本上我將我所有嘅時間同青春都擺咗喺呢度，而且都成長咗唔少，提醒自己要再努力做好啲，喺往後嘅十年做得更好。」問到可有設下里程碑給自己？她都認同開始要立下目標，將頭十年學過的所有事發揮於工作上，並打趣話不可以再用「新人」稱呼自己：「冇呢個藉口啦，要做番啲成績畀大家睇。（升Level做高Ling姐？）唔係，我都係Enjoy做妹妹！」

正趕拍《殺手》的她表示已拍畢台灣外景部分，明日開始再繼續拍最後一個月的戲份：「今年都拍咗3部戲，下年都有3部戲出街。（產量王喎！）唔係，咁唔係套套都係做主角。」講到之前拍《C9特工》時傷及頭部，她自爆還未痊愈，現時還見到重影：「醫生都話暫時冇特別嘢可以幫到，如果要等佢自己好番，都可能要一年半載，有時太攰、唔夠瞓，就會有斜視，因為眼肌拉唔番個眼珠回原位，依家揸車都會小心啲，有時太夜會見到兩條路。（仲揸車？）其實都冇揸兩個月，依家都係有精神先揸，如果唔係就Call車。」

近年高Ling亦接演越來越多戲份重的角色，來年更有四套劇出街，她表示受寵若驚：「如果下年佢一次過播四套，就好似四個BB同時出世咁！點都好，我只係希望觀眾可以畀到一個肯定，咁我已經會好開心㗎啦。」下年播出的四套劇之中有兩套都擔任第一女主角，其中高Ling說特別喜歡自己在《金宵大廈》中的角色，是一個8歲兒子的媽媽，因為自己很喜歡小朋友，所以拍攝時付出了很多真感情，特別容易投入。

下年有四套劇出街，高Ling說自己非常期待2019年！

往後的十年的高Ling應該結婚了？她直言：「另外嗰十年如果再唔發生，我驚無得發生！不過無得心急嘅，而家最重要都係工作。」